Povradad en Svizra
Er en Svizra vivan bleras famiglias e persunas sulettas en relaziuns finanzialas precaras. L'acziun «2 x Nadal» gida ellas a surmuntar quest temp difficil.
La rauba rimnada vegn zavrada e distribuida directamain ad umans pertutgads da la povradad ed ad instituziuns socialas en Svizra.
Mettai en Voss pachet sulettamain victualias che na van betg en mal u artitgels d'igiena e da tualetta. Las victualias duessan esser conservablas anc almain sis mais. Ultra da quai s'adattan artitgels d'igiena e products per la tgira da la bucca e dals dents sco pasta da dents, barschuns da dents e fil dental. Products per l'ensolver sco müeslis, mel d'avieuls, confitura ed ovomaltina èn medemamain fitg tschertgads. En Voss pachet pudais Vus per exempel era metter té, zutger, ieli e ris.
Dai giu Voss pachet gratuitamain al spurtegl da posta dals 24 da december 2024 fin ils 18 da schaner 2025. Vus survegnis là er etichettas prestampadas.
Cun pick@home vegn il postin tar Vus a chasa per il pachet.
Cumprai per 20 francs a partir dals 27 da december 2024 en butias pli grondas dal Coop in dad pachets gia preparads e surdai el al servetsch da clients. Coop procura per il transport dals pachets a la Crusch Cotschna Svizra.
Sin coop.ch pudais Vus empustar pachets en la valur da 20, 50 e 100 francs.
Er en Svizra vivan bleras famiglias e persunas sulettas en relaziuns finanzialas precaras. L'acziun «2 x Nadal» gida ellas a surmuntar quest temp difficil.
Na, tut ils pacs vegnan averts e la rauba vegn zavrada. Suenter vegn ella distribuida via las associaziuns chantunalas da la Crusch Cotschna a persunas pertutgadas da povradad en l’entira Svizra. Uschia garantin nus ina qualitad impeccabla da la rauba regalada. Ultra da quai pudain nus mo uschia dar vinavant a moda sistematica las donaziuns, p.ex. pezs, nutriment da pops e products per la perioda, a tegnairchasas che han propi era da basegn dad ellas.
Tranter ils 24 da december 2024 ed ils 18 da schaner 2025 pudais Vus dar giu Voss pac cun l’indicaziun «2 x Nadal» a mintga spurtegl postal. La Posta metta a disposiziun etichettas d’adressa prestampadas ed il pac vegn transportà gratuitamain a la Crusch Cotschna Svizra.
Empleni Voss pac mo cun mangiativas ch’ins po conservar ditg ubain products per l’igiena corporala. Las mangiativas duessan esser conservablas anc almain sis mais. Quai è adattà spezialmain bain: conservas, ris, farina, müesli, pasta sco p.ex. spaghettis, schuppas ed autras mangiativas setgentadas. En pli èn adattads products per l’igiena e per la tgira dals dents sco era products per la perioda. Medemamain fitg dumandads èn products per ils pli pitschens sco nutriment da pops, pezs e products da tgira correspundents.