Dals 24 da december 2024 fin ils 18 da schaner 2025 prenda la Posta svizra encunter gratuitamain Voss pachets per l’acziun «2 x Nadal» a tut ses spurtegls. Singulas filialas dal Coop porschan a partir dals 27 da december 2024 pachets da donaziun gia preparads, online pudais Vus empustar pachets via coop.ch. Vus pudais era regalar daners: questas donaziuns en il rom da l’acziun «2 x Nadal» van directamain a favur dad umans en l’Armenia, la Bosnia ed Erzegovina, il Kirghistan e la Moldavia.
En vista als pretschs e custs che creschan daventi per bleras e blers difficil da vegnir a frida finanzialmain cun il mintgadi. E per ils pli flaivels vegni precar.
Abi Lbadaoui, Crusch Cotschna dal chantun da Friburg
Jau na sai betg tgenina ch'è la pli gronda sfida. Tut è difficil. Spezialmain grev èsi d'avair avunda da mangiar per mes trais uffants.
Rajko Veljić, bab da trais teenagers
