Partenaris

La SSR è la partenaria da communicaziun da «2 x Nadal». Ella appellescha en l'entira Svizra da participar a l'acziun e dat invista en ils destins da las persunas sustegnidas.

La Posta è responsabla per la logistica e transportescha Voss pachets da «2 x Nadal» gratuitamain tar la Crusch Cotschna Svizra. Voss pachet pudais Vus dar giu directamain en las filialas da la Posta (incl. filialas en partenadi) u surdar al postin cun il servetsch pick@home.

Coop sustegna l'acziun cun donaziuns da rauba generusas, cun ils pachets da «2 x Nadal» en las butias grondas da Coop ed online sin coop@home sco era cun rapports en la gasetta dal Coop.

La Crusch Cotschna Svizra surpiglia la repartiziun confurma als basegns. Las donaziuns da rauba van a persunas pertutgadas da la povradad che vivan en Svizra. Cun las donaziuns online vegnan realisads projects dal succurs d'enviern a l'exteriur. Numerusas voluntarias e numerus voluntaris zavran las donaziuns da rauba en in magasin central. Silsuenter vegn la rauba repartida via la rait da las associaziuns chantunalas da la Crusch Cotschna.