Tranter ils 24 da december 2024 ed ils 18 da schaner 2025 pudais Vus dar giu Voss pac cun l’indicaziun «2 x Nadal» a mintga spurtegl postal. La Posta metta a disposiziun etichettas d’adressa prestampadas ed il pac vegn transportà gratuitamain a la Crusch Cotschna Svizra.
Gea, dals 24 da december enfin ils 18 da schaner savais Vus dar l’incumbensa a la Posta da vegnir per Voss pac da «2 x Nadal» gratuitamain tar Vus a chasa. Registrai Voss pac per far diever dal servetsch pick@home sin: www.post.ch/2xweihnachten
Empleni Voss pac mo cun mangiativas ch’ins po conservar ditg ubain products per l’igiena corporala. Las mangiativas duessan esser conservablas anc almain sis mais. Quai è adattà spezialmain bain: conservas, ris, farina, müesli, pasta sco p.ex. spaghettis, schuppas ed autras mangiativas setgentadas. En pli èn adattads products per l’igiena e per la tgira dals dents sco era products per la perioda. Medemamain fitg dumandads èn products per ils pli pitschens sco nutriment da pops, pezs e products da tgira correspundents.
Mangiativas e products per l’igiena corporala èn rauba dal mintgadi ch’ins ha da basegn en mintga tegnairchasa. Cun Vossa donaziun pudain nus stgargiar punctualmain il budget dad umans en miseria.
Grondezza maximala: 100 x 60 x 60 cm Pais maximal: 30 kg
Cun Vossa donaziun da daners sustegnais Vus umans en miseria en l’Armenia, la Bosnia-Erzegovina, il Kirghistan ed en Moldavia. Vus gidais umans pli vegls u malsauns, geniturs che educheschan sulets e lur uffants sco er auters umans che vivan en ina situaziun precara. Grazia a Vossa donaziun survegn quella glieud sustegn direct cun mangiativas ed artitgels necessaris per il mintgadi da la Crusch Cotschna Svizra en collavuraziun cun societads localas da la Crusch Cotschna e da la Mesaglina Cotschna. Las donaziuns da daners van unicamain a favur da projects a l’exteriur en il rom da l’agid d’enviern.
Donaziuns da daners per «2 x Nadal» èn pussaivlas durant l’entir onn. Faschai Vossa donaziun directamain online u assegnai l’import a noss conto postal: Crusch Cotschna Svizra, 3001 Berna, conto postal: 30-9700-0, IBAN CH97 0900 0000 3000 9700 0, remartga: 2 x Nadal.
Las donaziuns da daners «2 x Nadal» vegnan impundidas unicamain per projects en il rom da l’agid d’enviern en l’Armenia, la Bosnia-Erzegovina, il Kirghistan ed en Moldavia. Cun in coop.ch-Paket pudais Vus sustegnair a moda nuncumplitgada persunas pertutgadas da povradad en Svizra, senza che Vus stoppias emplenir sezza u sez in pac. Cumprai sin coop.ch ubain en la butia da premias pacs per CHF 20.-, 50.- ubain 100.-. La rauba vegn tramessa directamain a la Crusch Cotschna Svizra e distribuida ad umans en miseria en Svizra.
En tut ils Coop Megastores ed en tscherts Coop City:
Coop City Coop City Aarau, Coop City Basel am Marktplatz, Coop City Basel Pfauen, Coop City Bern Ryfflihof, Coop City Fribourg, Coop City Genève Fusterie, Coop City Lausanne Au Centre, Coop City Olten, Coop City Sion, Coop City Winterthur, Coop City Zug, Coop City Zürich Bellevue, Coop City Zürich St. Annahof
Coop Megastores Aarau Telli, Aarber, Affoltern am Albis, Allaman Littoral Centre, Bachenbülach, Basel Spalemärt, Basel St. Jakob-Park, Bassecourt, Bern Wankdorf, Biberist, Biel/Bienne Bahnhof/Gare, Biel/Bienne Boujean, Bulle le Carô, Canobbio Ipermercato Resega, Carouge La Praille, Châtel-St-Denis, Chaux-de-Fonds Entilles, Chaux-de-Fonds Eplatures Centre, Chur Quader, Chur West, Collombey, Conthey Bassin, Crissier, Dielsdorf, Dietikon Silbern, Dietlikon Center, Egerkingen Gäupark, Feuerthalen Rhymarkt, Frauenfeld Schlosspark, Frenkendorf, Frick, Genève Eaux-Vives, Grenchen Zentrum, Haag, Heimberg Center, Hinwil Center, Kaiseraugst, Kreuzlingen Karrussell, Kriens Pilatusmarkt, Langenthal Tell, Langnau Ilfiscenter, Laupen, Losone Ipermercato Cattori, Martigny Cristal, Matran Centre, Mels Pizolcenter, Montagny-près-Yverdon, Münchenstein Gartenstadt, Muri AG, Netstal Wiggispark, Neuchâtel Maladière, Oberwil Mühlematt, Oftringen Perry Center, Onex, Pfäffikon SZ Seedamm, Reinach AG, Rennaz, Rickenbach, Schenkon, Schönbühl Center, Seewen-Markt, Signy Centre, St. Gallen Gallusmarkt K., St. Gallen Shopping Arena, St. Moritz, Therwil, Tenero, Unterentfelden, Vernier Blandonnet, Vich, Villars-sur-Glâne, Visp Eyholz Center, Volketswil Volkiland, Weinfelden Thurmarkt, Wettingen Tägipark, Winterthur Grüzemarkt, Wohlen, Würenlingen Aarepark, Zürich Eleven, Zürich Letzipark, Zürich Sihlcity Supermarkt
Na, tut ils pacs vegnan averts e la rauba vegn zavrada. Suenter vegn ella distribuida via las associaziuns chantunalas da la Crusch Cotschna a persunas pertutgadas da povradad en l’entira Svizra. Uschia garantin nus ina qualitad impeccabla da la rauba regalada. Ultra da quai pudain nus mo uschia dar vinavant a moda sistematica las donaziuns, p.ex. pezs, nutriment da pops e products per la perioda, a tegnairchasas che han propi era da basegn dad ellas.
Organisai cun Voss persunal u Vossa clientella Voss’atgna acziun da rimnar a favur da «2 x Nadal». Contactai nus per ulteriuras infurmaziuns, nus As gidain gugent.
La rauba da «2 x Nadal» vegn distribuida via las associaziuns chantunalas da la Crusch Cotschna. As drizzai p.pl. directamain a Vossa associaziun chantunala, sche Vus avais dumondas davart la distribuziun là, nua che Vus abitais:
